ދިވެހީންގެ އުފެއްދުންތެރިކަމުގެ މައުރަޒު 2026 - ފެކްޓް ޝީޓް

• އަމިއްލަ ފަރުދުން (ޚާއްސައެހީއަށް ބޭނުންވާ ފަރުދުން ހިމެނޭހެން)
• ދިވެހިރާއްޖޭގައި ރަޖިސްޓްރީކޮށްފައިވާ ވިޔަފާރިތައް
• ސަރުކާރުގެ ކުންފުނިތައް
• ޖަމްޢިއްޔާ ޖަމާޢަތްތައް
• ތަޢުލީމުދޭ އިދާރާތައް

އުމުރުން 13 އަހަރު ފުރިފައިވުން.

އުމުރުން 18 އަހަރު ނުފުރޭ ފަރުދުންނަށް ބައިވެރިވެވޭނީ ބެލެނިވެރިޔާ ނުވަތަ ޤާނޫނީ ބަލަދުވެރިޔާގެ އިއުތިރާޒެއް ނެތްނަމަ.

ޤާނޫނު ނަންބަރު 2014/18 (ވިޔަފާރި ރަޖިސްޓަރީކުރުމުގެ ޤާނޫނު) ގެ ދަށުން ރަޖިސްޓަރީކޮށްފައިވުމާއި، ރަޖިސްޓަރީ އަދާހަމަކޮށްފައިވުން.

ސައްތައިން ސައްތަ ދިވެހިން ހިއްސާވާ ކޮންމެ ބާވަތެއްގެ ވިޔަފާރިއަކަށްވުން.

ދިވެހި ސަރުކާރަކީ އެކުންފުންޏެއްގެ މެޖޯރިޓީ ޝެއަރހޯލްޑަރ ކަމުގައިވުން.

ޤާނޫނު ނަންބަރު 2023/7 (ކުންފުނީގެ ޤާނޫނު)ގެ ދަށުން ރަޖިސްޓަރީކޮށްފައިވާ ކުންފުންޏެއްކަމުގައި ވުން.

ޤާނޫނު ނަންބަރު 2022/3 (ޖަމްޢިއްޔާތަކުގެ ޤާނޫނު) ގެ ދަށުން އެ ޖަމްޢިއްޔާއެއް ދިވެހިރާއްޖޭގައި ރަޖިސްޓަރީކޮށްފައިވުމާއި، ރަޖިސްޓަރީ އަދާހަމަކޮށްފައިވުން.

ދިވެހިރާއްޖޭގައި ކަނޑައަޅާފައިވާ އުސޫލުތަކާއި އެއްގޮތްވާ ގޮތުގެ މަތިން ރަޖިސްޓަރީކޮށްގެން ހިންގާ ތަޢުލީމުދޭ އިދާރާއެއް ނުވަތަ މަރުކަޒެއްކަމުގައި ވުން.

ދިވެހި ފަރުދުންގެ ތެރޭގައި ހިމެނޭ ޚާއްސައެހީއަށް ބޭނުންވާ ފަރުދުންނަށް އަމިއްލަ ފަރުދުންގެ ގޮތުގައި ނުވަތަ ޚާއްސައެހީއަށް ބޭނުންވާ ފާރާތްތަކުގެ ގޮތުގައި ބައިވެރިވެވިދާނެ.

ޚާއްސައެހީއަށް ބޭނުންވާ ފަރުދެއްގެ ގޮތުގައި ބައިވެރިވާނަމަ:

• ޤާނޫނު ނަންބަރު 2010/8 ގެ ދަށުން ޚާއްސަ އެހީއަށް ބޭނުންވާ ފަރާތްތަކުގެ ދަފްތަރުގައި ރަޖިސްޓަރީކޮށްފައިވުން
• އުމުރުން 13 އަހަރު ފުރިފައިވުން
• 18 އަހަރު ނުފުރޭ ނުވަތަ ބަލެނެވެރިއެއްގެ އިޒުނަ ނުލިބޭ ފަރާތަކަށް ބެލެނެވިރޔާ / ޤާނޫނީ ބަލަދުވެރިޔާގެ އިއުތިރާޒެއް ނެތުން

1. އަމިއްލަ ފަރުދުންގެ ދާއިރާ
2. ރަޖިސްޓަރީކޮށްފައިވާ ވިޔަފާރިތަކުގެ ދާއިރާ
3. ސަރުކާރުގެ ކުންފުނިތަކުގެ ދާއިރާ
4. ހާއްސަ އެހީއަށް ބޭނުންވާ ފަރާތްތަކުގެ ދާއިރާ
5. ޖަމްޢިއްޔާ ޖަމާޢަތްތަކުގެ ދާއިރާ
6. ތަޢުލީމުދޭ މަރުކަޒުތަކުގެ ދާއިރާ
7. ރަށް ނުވަތަ ސިޓީތަކުގެ ދާއިރާ

މި ދާއިރާގައި ބައިވެރިވެވެނީ އުމުރުން 13 އަހަރު ފުރިފައިވާ ދިވެހި ރައްޔިތުންނަށް އެކަނި.

18 އަހަރު ނުފުރޭ ފަރުދުންނަށް ބައިވެރިވެވޭނީ ބެލެނިވެރިޔާ ނުވަތަ ޤާނޫނީ ބަލަދުވެރިޔާގެ އިއުތިރާޒެއް ނެތްނަމަ.

ޤާނޫނު ނަންބަރު 2014/18 ގެ ދަށުން ދިވެހިރާއްޖޭގައި ރަޖިސްޓަރީކޮށްފައިވާ ސައްތައިން ސައްތަ ދިވެހިން ހިއްސާވާ ވިޔަފާރިތަކަށް އެކަނި.

މިގޮތުން އަމިއްލަ ވިޔަފާރި، ޕާޓްނަރޝިޕް، ކުންފުނި އަދި ކޯޕަރޭޓް ސޮސައިޓީތައް ހިމެނޭނެ.

ޤާނޫނު ނަންބަރު 2010/8 ގެ ދަށުން ޚާއްސަ އެހީއަށް ބޭނުންވާ ފަރާތްތަކުގެ ދަފްތަރުގައި ރަޖިސްޓަރީކޮށްފައިވާ، އުމުރުން 13 އަހަރުން މަތީގެ ފަރުދުން.

18 އަހަރު ނުފުރޭ ފަރާތަކަށް ބައިވެރިވެވޭނީ ބެލެނިވެރިޔާގެ ނުވަތަ ޤާނޫނީ ބަލަދުވެރިޔާގެ އިއުތިރާޒެއް ނެތްނަމަ.

ދިވެހިރާއްޖޭގައި ރަޖިސްޓަރީކޮށްގެން ހިންގަމުންދާ ތަޢުލީމުދޭ އިދާރާތަކާއި މަރުކަޒުތައް.

ޤާނޫނު ނަންބަރު 2022/3 (ޖަމްޢިއްޔާތަކުގެ ޤާނޫނު) ގެ ދަށުން ދިވެހިރާއްޖޭގައި ރަޖިސްޓަރީކޮށްގެން ހިންގާ ޖަމްޢިއްޔާ ޖަމާޢަތްތައް.

ޤާނޫނު ނަންބަރު 7/2023 (ކުންފުނީގެ ޤާނޫނު)ގެ ދަށުން ރަޖިސްޓަރީ ކޮށްގެން ހިންގާ ސަރުކާރު ކުންފުނިތަކުގެ ތެރެއިން އެކުންފުންޏެއްގެ މެޖޯރިޓީ ޝެއަރހޯލްޑަރ ކަމުގައި ދިވެހި ސަރުކާރު އޮންނަ ކުންފުނިތައް.

އާއެކެވެ.

އަމިއްލަ ފަރުދުން (ޚާއްސަ އެހީއަށް ބޭނުންވާ ދާއިރާ ހިމެނޭހެން) ގެ އުފެއްދުންތައް ތަޢުލީމުދޭ މަރުކަޒުތަކުގެ ދާއިރާއަށް ނުވަތަ ޖަމްޢިއްޔާ ޖަމާޢަތްތަކުގެ ދާއިރާއަށް އެސޯސިއޭޓް ކުރެވިދާނެ.

އެއް އުފެއްދުމެއް ދެ ފަރާތަކަށް އެސޯސިއޭޓް ނުކުރެވޭނެ.

މައުރަޒުގައި ބައިވެރިވެފައިވާ ޖަމްޢިއްޔާ ޖަމާޢަތަކުން އެދޭނަމަ، އެ ފަރުދެއްގެ ދ.ރ.އ.ކ ނަންބަރު ޕޯޓަލް މެދުވެރިކޮށް ފޯރުކޮށްދޭނެ.

އެއިން އެ ފަރުދެއް ޚިޔާރުކުރާ އުފެއްދުންތަކެއް އެ ޖަމްޢިއްޔާއަކާ އެސޯސިއޭޓް ކުރުމުގެ ފުރުސަތު ލިބޭނެ.

އެއް އުފެއްދުމެއް ދެ ފަރާތަކަށް އެސޯސިއޭޓް ނުކުރެވޭނެ.

މައުރަޒުގައި ވާދަކުރާ ތަޢުލީމުދޭ މަރުކަޒަކަށް، އެ މަރުކަޒަކުން ތަޢުލީމު ހާސިލުކުރަމުންދާ ދަރިވަރަކު ނުވަތަ އެ މަރުކަޒެއްގައި ވަޒީފާ އަދާކުރާ މުވައްޒަފެއްގެ އުފެއްދުން އެސޯސިއޭޓް ކުރެވިދާނެ.

އެ މަރުކަޒަކުން އެދޭނަމަ ދ.ރ.އ.ކ ނަންބަރު ޕޯޓަލް މެދުވެރިކޮށް ފޯރުކޮށްދިނުމުން އެ ފަރުދެއް ޚިޔާރުކުރާ އުފެއްދުންތަކެއް އެ މަރުކަޒަކާ އެސޯސިއޭޓް ކުރުމުގެ ފުރުސަތު ލިބޭނެ.

އެއް އުފެއްދުމެއް ދެ ފަރާތަކަށް އެސޯސިއޭޓް ނުކުރެވޭނެ.

އަމިއްލަ، ޚާއްސަ އެހީ އަދި ރަޖިސްޓަރީކޮށްފައިވާ ވިޔަފާރިތަކުގެ ދާއިރާއިން ބައިވެރިކުރާ އުފެއްދުންތައް، ފަރާތުގެ ދާއިމީ އެޑްރެސް / ރަޖިސްޓަރީ އެޑްރެހަށް ނިސްބަތްވާ ރަށް ނުވަތަ ސިޓީއަކަށް އެސޯސިއޭޓް ކުރެވިދާނެ.

އެޕްލިކޭޝަން ފޯމުގައި އެސޯސިއޭޓް ކުރާ އުފެއްދުމެއް ސެލެކްޓްކޮށް، އެސޯސިއޭޓް ކުރާ ޖަމްޢިއްޔާ / ތަޢުލީމުދޭ މަރުކަޒުގެ ނަން ލިޔުމުން އެ ތަނަކަށް އެސޯސިއޭޓް ކުރެވޭނެ.

ރަށަށް / ސިޓީއަށް އެސޯސިއޭޓް ކުރަން ސެލެކްޓް ކުރުމުން ދާއިމީ އެޑްރެސް ނުވަތަ ރަޖިސްޓަރީ އެޑްރެސް ނިސްބަތްވާ ރަށަށް އެސޯސިއޭޓް ކުރެވޭނެ.

ރަށް / ސިޓީއަށް ވާދަކުރެވޭނީ މައުރަޒުގައި ބައިވެރިވެވޭ ފަރާތްތަކުގެ ތެރެއިން އަމިއްލަ ފަރުދުންނާއި ރަޖިސްޓަރީކޮށްފައިވާ ވިޔަފާރިތަކުން ބައިވެރިކުރާ އުފެއްދުންތައް ކުރާ އެގްރިގޭޓް މާކްސް އަށް ބޭސްކޮށް 1، 2، 3 ވަނަ މަޤާމު ހޮވާގޮތަށް.

އެސޯސިއޭޓް ނުކުރެވޭ ހައިސިއްޔަތުން ރަށް / ސިޓީ ދާއިރާއަށް ވަކިން ހުށަހެޅޭނެ.

މައުރަޒުގައި މައިގަނޑު 16 ގިންތިއެއްގެ ދަށުން ތަފާތު 73 ދަށު ގިންތިއެއްގައި އުފެއްދުންތައް ބައިވެރިކުރެވޭނެ.

އެއް އުފެއްދުމެއް ދެ ގިންތިއެއްގައި ބައިވެރި ނުކުރެވޭނެ.

• އަތްތެރި މަސައްކަތް
• ދަނޑުވެރިކަން
• މަސްވެރިކަން
• ދަތުރުފަތުރު
• އިމާރާތްކުރުން
• އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ
• ކްރިއޭޓިވް އާޓްސް އެންޑް ޑިޒައިން
• ފެޝަން އެންޑް ޑިޒައިން
• ޖުވެލަރީ އެންޑް އެކްސަސަރީޒް
• އިޔާދަކުރަނިވި ހަކަތަ (ރިނިއުއެބަލް އެނަރޖީ)
• ކާބޯތަކެތި
• މެޝިނަރީ އެންޑް އެކުއިޕްމަންޓް
• ލަކުޑީގެ އުފެއްދުންތައް
• ބަހުގެ އުފެއްދުންތައް
• ދީނީ އުފެއްދުންތައް
• ދިވެހި ބޭސްވެރިކަމާއި، ކޮސްމެޓިކްސް ހިމެނޭހެން އެހެނިހެން އުފެއްދުންތަކުގެ ދާއިރާ

1. މައުރަޒުގައި ބައިވެރިކުރާ އުފެއްދުމަކީ ޕްރިފެބްރިކޭޓްކޮށްގެން ނުވަތަ އޯޑަރކޮށްގެން ރާއްޖެއިން ބޭރުން ގެނެސްފައިވާ އުފެއްދުމެއް ކަމުގައި ނުވުން.
2. މައުރަޒުގައި އެ އުފެއްދުމެއް ބައިވެރިކުރުމަށް އެދި ހުށަހަޅާ ފަރާތަކީ އެ އުފެއްދުމެއްގެ މިލްކުވެރި ފަރާތްކަމުގައިވުން ނުވަތަ ހުއްދަ އޮތް ފަރާތެއް ކަމުގައިވުން.
3. މީގެ ކުރިން ދިވެހިރާއްޖޭގައި ބާއްވާފައިވާ އުފެއްދުންތެރިންގެ މައުރަޒުގައި ބައިވެރިކޮށް އާންމުންނަށް ދައްކާފައިވާ އުފެއްދުމެއް ކަމުގައި ނުވުން.
4. ގިންތިތަކުގައި ހުންނަންޖެހޭ ޚާއްސަ ޝަރުތުތަކެއް ކަނޑައަޅާފައިވާނަމަ، އެ ޝަރުތުތައް އެ އުފެއްދުމުގައި ފުރިހަމަވާކަން.
5. އުފެއްދުމުގެ ބާވަތައް ބަލައި، އެންމެ ގުޅުންހުރި ގިންތީގެ ދަށުން ބައިވެރިކުރުމަށް ސަމާލުކަން ދިނުން.

ނޫން. މައުރަޒުގައި ކޮންމެ ބައިވެރިއަކަށްވެސް އެ ބައިވެރިއަކު ބޭނުން އަދަދަކަށް އުފެއްދުންތައް ބައިވެރިކުރެވޭނެ.

އަމިއްލަ ފަރުދެއްނަމަ (ޚާއްސަ އެހީއަށް ބޭނުންވާފަރާތްތައް ހިމެނޭހެން) އެހެން ފަރާތެއްގެ އުފެއްދުމެއް ބައިވެރިއެއް ނުކުރެވޭނެ.

އެހެނިހެން ފަރާތްތަކުން ބައިވެރިކުރުމަށް ހުށަހަޅާ އުފެއްދުންތަކުން އެ އުފެއްދުމަކީ އެހެން ފަރާތެއްގެ ނުވަތަ 2 ނުވަތަ އެއަށްވުރެ ގިނަ ފަރާތްތަކުން ގުޅިގެން އުފައްދާފައިވާ އުފެއްދުމެއްނަމަ، ނުވަތަ މިލްކުވެރިކަން / އިންޓަލެކްޗުއަލް ޕްރޮޕަޓީ ރައިޓްސް ހިއްސާވާ އުފެއްދުމެއްނަމަ، އެ ފަރާތްތަކުގެ ހުއްދަ ލިޔުމުން ހޯދުމަށްފަހު މައުރަޒުގައި އެ އުފެއްދުން ބައިވެރިކުރެވިދާނެ.

އަމިއްލަ ފަރުދުންގެ ދާއިރާ، ޚާއްސައެހީއަށް ބޭނުންވާ ފަރާތްތަކުގެ ދާއިރާ އަދި ރަޖިސްޓަރީ ކޮށްފައިވާ ވިޔަފާރިތަކުގެ ދާއިރާއިން ބައިވެރިކުރާ އުފެއްދުންތަކުގެ ތެރެއިން އެހެން ފަރާތަކާއި އެސޯސިއޭޓްކޮށް ބައިވެރިކޮށްފައިވާ އުފެއްދުންތަކަށް ލިބޭ ޖުމުލަމާކްސް އެގްރިގޭޓްކޮށް އެސޯސިއޭޓްކުރާ ފަރާތަށް އިތުރުވެގެންދާނެ.

1. މޯލްޑިވްސް ފުޑް އެންޑް ޑްރަގް އޮތޯރިޓީގެ މިންގަނޑުތަކަށް ފެތޭ އުފެއްދުމަކަށްވުން.
2. މައުރަޒުގެ މުއްދަތުގައި އެ އުފެއްދުމުގެ "ޝެލްފް ލައިފް" ދެމިއޮތުން.

އުފެއްދުމެއް ހުށަހެޅުމަށްފަހު، އެ އުފެއްދުމެއް އަނބުރާ ނަގަން ނުވަތަ ބަދަލުކުރަން ބޭނުންވާ ފަރާތްތަކަށް، ކަނޑައަޅާ ވަކި ތާރީޚެއްގެ ކުރިން އެ އުފެއްދުމެއް އަނބުރާ ނެގިދާނެއެވެ. ނުވަތަ ބަދަލުކުރެވިދާނެ.

ފޯމާއިއެކު ހުށަހަޅާފައިވާ މަޢުލޫމާތާއި ގުޅުންހުރި އިތުރު މަޢުލޫމާތު ހޯދަންޖެހޭކަމަށް ފަންނީ ކޮމެޓީއަށް ނުވަތަ ފަނޑިޔާރުންގެ ކޮމިޓީއަށް ފެނިއްޖެ ހާލަތެއްގައި، ކަނޑައަޅާ މުއްދަތެއްގެ ތެރޭގައި އެ މަޢުލޫމާތު ފޯރުކޮށްދިނުމަށް ފޯމު ހުށަހެޅި ފަރާތަށް އެންގޭނެ.

މިފަދައިން އިތުރު މަޢުލޫމާތު ހޯދުމަށް އެދެފިނަމަ އެ މަޢުލޫމާތެއް ފޯރުކޮށްދޭންވާނެ.

މިފަދަ ޝަކުވާއެއް ހުށަހެޅިއްޖެނަމަ، ބައިވެރިކުރިއިރު ހުށަހަޅާފައިވާ މަޢުލޫމާތުތަކަށް ބެލުމަށްފަހު، އެއީ ގިނަބަޔަކު ނުވަތަ އެހެން މީހެއްގެ އުފެއްދުމެއްގެ ގޮތުގައި ބައިވެރިކުރާ އުފެއްދުމެއް ކަމުގައިވާނަމަ، ގުޅުންހުރި ލިޔެކިޔުންތައް ހުށަހަޅާފައިވޭތޯ އަލުން ބެލޭނެ.

އަދި ހުށަހަޅަންޖެހޭ އެއްވެސް ލިޔުމެއް މަދުކަމަށް ފެންނަނަމަ، އެ ލިޔުމެއް ހުށަހެޅުމަށް އެންގޭނެ.

މައުރަޒުގައި އުފެއްދުން ބައިވެރިކުރާ ފަރާތުން. އެގޮތުން:

1. އުފެއްދުމެއް ބީ.ސީ.ސީ އިން އަންގާ ތާރީޚެއްގައި މައުރަޒު ބާއްވާ ތަނަކަށް ގެނެސް ފަނޑިޔާރުން އިންސާފުކުރުމަށް ޑިސްޕްލޭކުރުން.
2. ބީ.ސީ.ސީގެ އިރުޝާދާއި އެއްގޮތަށް އުފެއްދުމުގެ މަޢުލޫމާތު ހިމެނޭ ޑިސްކްރިބްޝަން ހަރުކުރުން.
3. އާންމުންނަށް ހުޅުވާލާ ތާރީޚުތަކުގައި ޑިސްޕްލޭ ކުރުމާއި، އެ މުއްދަތުގައި އުފެއްދުމަކަށް ގެއްލުމެއް ނުލިބޭނެހެން ބެލެހެއްޓުން.

މި އެންމެހާ ކަމަކަށް މައުރަޒުގައި އެ އުފެއްދުމެއް ބައިވެރިކުރާ ފަރާތުން ޒިންމާވާނެ.

މައުރަޒުގައި ބައިވެރިވުމުގެ ފުރުސަތު މިހާރުވަނީ www.expo.mv މެދުވެރިކޮށް އާއްމުކޮށް ހުޅުވާލެވިފަ.

މި ވެބްސައިޓުގައިވާ ލިންކު https://mauraz.expo.mv/login މެދުވެރިކޮށް 31 އޮގަސްޓް 2026 ގެ ކުރިން އޮންލައިން ފޯމު ފުރިހަމަކޮށް ހުށަހެޅުމުން އެޕްލިކޭޝަން ބަލައިގަންނާނެ.

ލިންކަށް ޒިޔާރަތްކޮށް އެކައުންޓެއް ހުޅުވައި ލޮގިންއެއް ހެދުމަށްފަހު، އީމެއިލް މެދުވެރިކޮށް ވެރިފައި ކުރެވިގެން ދާނެ. އެއަށްފަހު ލޮގިން ވެގެން، ބައިވެރިވި ފަރާތުގެ ނަމުގައި އުފެއްދުންތައް ހުށަހުޅޭނެ.

1. ފޯމުގައި ލާޒިމުކޮށްފައިވާ މަޢުލޫމާތު ފުރިހަމަ ނުވާނަމަ ނުވަތަ އިތުރު މަޢުލޫމާތު ހޯދުމަށް އެދުމުން ކަނޑައަޅާ މުއްދަތުގައި އެ މަޢުލޫމާތު ފޯރުކޮށްނުދީފައި ނުވުން.
2. އުފެއްދުމެއް މައުރަޒުގައި ބައިވެރިނުކުރުމަށް ޝަރުޢީ ކޯޓަކުން އަމުރެއް ނެރެފައިވުން.
3. އިންސާފުކުރުމަށް ޑިސްޕްލޭކުރުމަށް ހުށަހަޅާ މުއްދަތުގައި އުފެއްދުމެއް ގެނެސް، ބީ.ސީ.ސީ އިން ކަނޑައަޅާތަނުގައި ޑިސްޕްލޭކޮށްފައި ނުވުން.
4. ބީ.ސީ.ސީ އިން ކަނޑައަޅާ ޝަރުތުތަކުގެ ތެރެއިން އެއްވެސް ޝަރުތެއް އުފެއްދުމުގައި ފުރިހަމަނުވުން.

މައުރަޒުގައި ހިމެނޭ ދާއިރާތަކާއި މައި ގިންތިތަކުން އަދި ދަށު ގިންތިތަކުން ބައިވެރިކުރާ އެއްވެސް އުފެއްދުމަކަށް %65 އަށްވުރެ މަތިން މާރކްސް ލިބިފައިނުވާނަމަ، އެ ދާއިރާއަކުން ނުވަތަ ގިންތިއަކުން ވަނައެއް ނުހޮވޭނެ.

ނަތީޖާ ފާޅުކޮށް ވަނަތަށް ދިނުމަށްފަހުވެސް، މައުރަޒުގައި އުފެއްދުންތައް ބައިވެރިކުރުމަށް ކަނޑައެޅިފައިވާ އުސޫލާ ޚިލާފަށް އުފެއްދުމެއް ބައިވެރިކޮށް ވަނައެއް ލިބިފައިވާކަން އެނގިއްޖެނަމަ، އެ ވަނައާ، ސެޓްފިކެޓާއި، އިނާމާއި، ތަށްޓާއި، ފައިސާގެ އިނާމާއި މެޑެލް އަތުލެވޭނެ.

މައުރަޒުގައި ވަނަދިނުމުގައި ބަލާނެ އާންމު މިންގަނޑަކީ އަންނަނިވި ކަންކަމަށް ރިއާޔަތްކޮށް ފަނޑިޔާރުންގެ ކޮމިޓީއިން ކަނޑައަޅާ މިންގަނޑު:

1. އަމިއްލަ ވަންތަކަން
2. ހުނަރުވެރިކަން
3. އުފެއްދުމެއްގެ ބޭނުންތެރިކަން

މައުރަޒުން ރަން ވަނަ ލިބޭނީ، މައުރަޒުގައި ބައިވެރިކުރާ އުފެއްދުންތަކުގެ ތެރެއިން ދަށު ގިންތިތަކުގެ ބައިގައި 1 ވަނަ އަށް ހޮވާ އުފެއްދުންތަކުގެ ތެރެއިން އެންމެ މަތިން މާކްސް ހޯދާ 5 އުފެއްދުމެއް ހޮވައިގެން.

މައުރަޒު އޮންނާނީ 23 އޮކްޓޯބަރ 2026 އިން 31 އޮކްޓޯބަރ 2026 ގެ ނިޔަލަށް، ހުޅުމާލެ ސެންޓްރަލް ޕާކުގަ.

އޮކްޓޯބަރު މަހުގެ ފުރަތަމަ ހަފުތާގަ.